Традыцыйна кожную першую нядзелю верасня ў Беларусі адзначаюць Дзень Пісьменства. У гэты дзень аддаюць даніну роднай мове, культурнай спадчыне Рэспублікі. Гарадская бібліятэка №1 таксама прыняла ўдзел у святкаванні. Для сваіх наведвальнікаў правяла гульню «Да святыняў з кнігай» якая пазнаёміла навучэнцаў групы падоўжанага дня гімназіі з гісторыяй станаўлення і развіцця беларускай пісьменнасці і кнігадрукавання. Дзеці праз гульню змаглі бліжэй пазнаёміцца з традыцыямі святкавання Дня пісьменства ў нашай краіне.

Да мерапрыемства аформлена кніжная выстава «Ля вытокаў беларускага пісьменства».