У Асавецкай сельскай бібліятэцы адбыўся незвычайны ўрок. І мае ён назву «Падарожжа па краіне беларусаў». Сёння мы адправіліся ў падарожжа па нашай роднай Беларусі. Рабяты адначасова праверылі свае веды і пазналі шмат чаго новага і цікавага пра Беларусь. Для гэтага ім неабходна было пераадолець 7 станцый, якія былі ўказаны ў маршрутным лісце. Для рабят было вельмі цікава зрабіць прыпынак на кожнай станцыі маршрута. Але найбольш зацікавіла станцыя «Гарады Гомельскай вобласці», тут рабяты дзяліліся сваімі ведамі і пры дапамозе кніг яны давалі правільныя адказы пра тое якія раённыя гарады маюць дачыненне да Гомельскай вобласці. На апошняй станцыі, якая мала назву «Мова маёй бабулі» мы ўсе разам звярнуліся да народнай мудрасці. Гэта прыказкі і прымаўкі, фразеалагізмы, якія робяць нашу мову больш яркай і каларытнай. Бібліятэкар гаворыць пачатак прыказкі, а рабяты — яе заканчэнне. З заданнямі справіліся ўсе. Падарожжа прайшло весела і вельмі спадабалася ўсім рабятам.