7 ліпеня Беларусь адзначыла 139-годдзе нашага Песняра, народнага паэта — Янкі Купалы.

Лірыка Янкі Купалы — гэта лірыка прарока, прадказальніка. Купалу мы ведаем як паэта і драматурга, аўтара цудоўных п’ес «Паўлінка» і «Раскіданае гняздо». Гэта ўзвышаны і рамантычны паэт. Любоў да Радзімы і нянавісць да яе прыгнятальнікаў гучалі на ўсіх этапах яго творчасці. Менавіта 7 ліпеня ў Мялешкавіцкай сельскай бібліятэцы быў праведзены бібліятэчны квілт «Ён і сёння з намі, наш Купала». Бібліятэкар на працягу дня прапанаваў сваім чытачам выбраць лісты з вершаванымі радкамі і суаднесці іх да назвы лірычнага твора.