Гарадская бібліятэка №1 падрыхтавала бібліятэчны квілт «Любімыя купалаўскія вершы», прысвечаны дню нараджэння народнага Песняра. Да акцыі аформлена кніжная выстава «Мне сняцца сны аб Беларусі…». Удзельнікі могуць больш падрабязна пазнаёміцца з творчай біяграфіяй Янкі Купалы, а таксама выбраць любімы верш паэта, прачытаць яго ўслых, напісаць назву на стыкеры і прымацаваць на стэнд. Чытачы падзяліліся ўражаннямі аб вершах Купалы. У ліку любімых — «Спадчына», «Роднае слова», «Жняя», «Улетку», «Хлопчык і лётчык».