За многія стагоддзі нам удалося стварыць самабытную культуру, беражліва захоўваць і перадаваць з пакалення ў пакаленне традыцыйныя рысы выхавання і глыбокую веру ў сілу свайго народа.

З мэтай далучэння слухачоў да культурна-гістарычнай спадчыны сваёй Радзімы ў Барбароўскай сельскай бібліятэцы прайшлі краязнаўчыя вячоркі «Скарбы сялянскай хаты». На мерапрыемстве кожны ўдзельнік падрыхтаваў даклад аб прадметах побыту і традыцыйным інтэр’еры беларускай хаты.

Сустрэча ў этнаграфічным кутку прынесла не толькі буру яркіх эмоцый, але і дазволіла яшчэ раз дакрануцца да сваёй гісторыі, да сваіх вытокаў.