У рамках дэкады беларускай і краязнаўчай кнігі «На роднай мове я чытаю» у гарадской бібліятэцы №6 імя В. З. Харужай на працягу дня прайшоў хіт-парад «Лепшыя беларускія кнігі».

Бібліятэкар пазнаёміла наведвальнікаў з лепшымі кнігамі беларускіх аўтараў: І. Шамякіна «Злая зорка», А. Федарэнка «Жэтон на метро», К. Цвірка «Воўчы востраў», В. Быкаў «Альпійская балада» і іншыя, кнігі, без якіх вы наўрад ці зразумееце, што такое сапраўдная беларуская літаратура. Для нас важна, каб беларуская кніга, як мага больш была запатрабаваная сярод чытацкай аўдыторыі, а ўражанні ад яе прачытання – самымі станоўчымі і прыязнымі.