Да Дня роднай мовы ў рамках дэкады «На роднай мове я чытаю» ў Козенскай сельскай бібліятэцы яе карыстальнікам прапаноўвалася прыняць удзел у флэш-батле «Хуткамоўкі.Чытаем разам». Біблятэкары акцэнтавалі ўвагу на тое, што веданне сваёй роднай мовы і павага да іншых моў робіць нас разумнейшымі і культурнейшымі.

Нашы чытачы з задавальненнем спрабавалі свае сілы і паказвалі майстерства ў вымаўленні цяжкавымоўных слоў і гукаў хуткамовак. Бо трэніроўка вымаўлення скорагаворак спрыяе ўмацаванню і расцягу цягліц, якія ўдзельнічаюць у гаворкі.

Не кожнаму ўдавалася вымавіць хуткамоўку з першага раза без памылкі, але вяселая гульня захапляла, а сама хуткамоўка запаміналася назаўседы. Удзельнікі не толькі прадэманстравалі ўменне выдатна валодаць роднай мовай, але і весела правялі час.

«Канстытуцыя — наш галоўны закон» — пад такой назвай дзейнічае кніжная выстаўка ў бібліятэцы з 1 па 26 лютага. Карыстальнікі могуць азнаёміцца з Кастытуцыяй Рэспублікі Беларусь, з Выбарчым кодэксам Рэспублікі Беларусь, з Праектам змен і дапаўненняў Канстытуцыі, атрымаць поўную інфармацыю, звязаную з рэферэндумам з прадстаўленых на выстаўцы перыядычных выданняў.