Святкаванне Міжнароднага дня роднай мовы стала традыцыйным мерапрыемствам для цэнтральнай бібліятэкі ім. А.С. Пушкіна. Мова яднае нацыю, народ і ўсіх людзей, якія пражываюць на тэрыторыі краіны. Кожны чалавек павінен шанаваць сваю мову, традыцыі і культуру свайго народа.

Беларуская мова – самая мілагучная пасля італьянскай. Гісторыкі сцвярджаюць, што яна яшчэ і самая старажытная сярод славянскіх моў. Падчас акцыі «Калі слова ажывае», прысвечанай беларускім пісьменнікам Я. Купале і Я. Коласу, якая адбылася ў аддзеле абслугоўвання цэнтральнай бібліятэкі імя А.С. Пушкіна, карыстальнікі бібліятэкі чыталі вершы паэтаў. Таксама была аформлена тэматычная зона «Песняры зямлі беларускай», карыстальнікам былі прапанаваны закладкі «Пісьменнікі-юбіляры».