Супрацоўнікі гарадской бібліятэцы №1 сумесна з педагогамі аб’яднанняў па інтарэсах «Палескія сувеніры» і «Цымбалы» зладзілі фальклорнае свята «Матывы народнага ручніка». Удзельнікі даведаліся пра гісторыю беларускага ручніка, яго віды, значэнні арнаментальных сімвалаў. На выстаўцы дэкаратыўна-прыкладнога мастацтва «Самі ткалі, самі вышывалі» госці свята пазнаёміліся з тканымі і вышыванымі ручнікамі з куфраў бабуль. Бібліятэкар распавяла, як з лёну атрымоўвалі ніткі, пра сялянскія прылады працы верацяно і калаўрот. Дзяўчынкі паспрабавалі адпрасаваць льняныя ручнікі качолкамі. Наведвальнікі змаглі паўдзельнічаць у майстар-класе па пляценню сувеніру па матывах тканага ўзору «каласок», тэматычных гульнях. Свята суправаджалася беларускімі народнымі песнямі і музыкай.

Да мерапрыемства была падрыхтавана кніжная выстава «Беларускі ручнік» і памятка-закладка.