У сектары краязнаўства цэнтральнай раённай бібліятэкі імя А.С. Пушкіна прайшла гульнявая праграма «Падарожжа ў краіну Фальклорыю» для навучэнцаў прышкольнага лагера СШ № 13.

Падчас мерапрыемства дзеці адгадвалі загадкі, прагаворвалі скорагаворкі, складалі прыказкі і прымаўкі, вызначалі прадметы народнага побыту.

Удзельнікі не толькі цікава правялі час, але і даведаліся шмат новага пра побыт і культуру беларускага народа.

Мерапрыемства садзейнічала развіццю пазнавальнай цікавасці вучняў да роднага краю, яго гістарычнага мінулага.