У гарадской біблятэцы № 6 імя В.З.Харужай прайшло фальклорнае падарожжа «У гасцях у казкі», у якім прынялі ўдзел дзве каманды. Зброяй удзельнікаў былі веды, знаходлівасць і ўпэўненасць у сябе.

Пасля традыцыйнага прывітання, удзельнікам давялося прайсці разнастайныя выпрабаванні. Трэба адзначыць, што абедзве каманды былі ў выдатнай літаратурнай форме і былі гатовыя да любых нечаканасцяў.

Потым у конкурсе «Адгадайка» дзеці ўспаміналі беларускія народныя і аўтарскія казкі. Яны пазнавалі герояў па апісанні, а назву твора адгадвалі па ўрыўку.

Пасля конкурсу каманды прынялі ўдзел у вясёлых гульнях, песнях, танцах, віктарынах і конкурсах. Нягледзячы на цяжкія заданні, вучні прасякнуліся духам суперніцтва і змаглі даказаць, хто з іх мацнейшы.