У гарадской дзіцячай бібліятэцы №4 у рамках інфармацыйна-патрыятычнага праекта «Страна, якую выбіраюць дзеці» прайшла кнігапартацыя «Медзведзяня Падынгтан у Мазыры. Нечаканае падарожжа». А справа ў тым, што Падынгтан вельмі любіць усё новае і цікавае. Таму ён страшна ўзрадаваўся, калі яго сябар, смелы ваяка Мішка, прапанаваў яму з'ездзіць у Мазыр, паглядзець на неверагоднай прыгажосці горад. А вось ці ўзрадаваліся мазыране, якіх яму давялося сустрэць, гэта ўжо іншае пытанне. Таму што ў Падынгтана ні дня не праходзіць без прыгод. А што менавіта з ім здарылася, даведаліся дзеці, якія адправіліся з госцем у падарожжа, поўнае прыгод і розных здарэнняў. Як толькі медзведзяня не спрабаваў заблытаць рабят, падарожнічаючы па Мазыры, усё ж яны здолелі адказаць правільна на ўсе яго пытанні.

Падарожжа суправаджалася прэзентацыяй. Падчас гульні вучні даведаліся аб самых яркіх і выдатных датах гісторыі нашага горада; пазнаёміліся з сімволікай і сімваламі Мазыра, а таксама любімымі стравамі мазыран; пабывалі ў нашых лясах, дзе сустрэлі птушак і жывёл нашых мясцін. Падынгтану давялося нават пабыць экскурсаводам, трапіўшы ў Мазырскі замак і запаведнік Мазырскія яры, а таксама ў музей-майстэрню мастака-кераміста М.М. Пушкара. Спадабалася яму і гісторыя ўзнікнення самалёта-помніка МіГ-17. Завяршылася падарожжа ў нашай бібліятэцы, пра якую дзецям расказаў зацікаўлены ўсім на свеце Падынгтан.

Падчас гульні дзеці ўспомнілі выдатныя мясціны Мазыра; дапамаглі Падынгтану ў гасцях адчуць сябе, як дома, дзякуючы чаму ён вельмі палюбіў наш горад. І гэта не дзіўна, бо Мазыр — не проста кропка на карце. Гэта наша радзіма. Дарагая, родная, любая. І такая цудоўная!