У гарадской бібліятэцы №3 для ўдзельнікаў клуб – класа «Капелька» адбылося літаратурнае знаёмства «Таямнічы і займальны свет беларускіх балот» з кнігай «Балотныя прыгоды. Цікавінкі ад Бульбінкі і Журавінкі» лаўрэата Міжнароднай літаратурнай прэміі Біянкі, выдатнай беларускай пісьменніцы Алены Масла. Разам з галоўнымі героямі кнігі – цікаўным і дасведчаным хлопчыкам Бульбінкам і дзяўчынкай Журавінкай – маленькія чытачы сталі ўдзельнікамі неверагоднага падарожжа па балотных абшарах, пазнаёміліся з жыхарамі балот, далучыліся да фантастычных здарэнняў і даведаліся шмат новага пра беларускія балоты. Яны наведалі хатку баброў, высветлілі, чаму ласі скідаюць рогі і ці можа выдра працаваць карэспандэнткай. Даведаліся , як правільна сабрацца на балота, паспрабавалі знайсці балотныя ягады сярод іншых, падмацаваліся прыгатаванымі скібкамі, бо ў кнізе ёсць і кулінарныя рэцэпты, пагулялі ў займальную гульню па матывах казкі.